TUGAS BAHASA JAWA - TEKS SANDIWARA BASA JAWA

Nemu Dompet

Narator : Bocah-bocah pada bali saka sekolah. Miftah lan Tyas banjur bali maring omahe dhewek-dhewek. Wektu Miftah lagi ngenteni Tyas neng perek halte. Miftah nemu dompet perek pager taneman ora adoh sekang halte.

Miftah : Apa kae ? Barang rongsokan kayane. Mbok teyeng didol maring Tyas. Haha

Narator : Jebule sing dikira barang rongsokan mau kuwe dompet. Banjur Tyas teka.

Tyas : Apa si kuwe ? Dompete sapa ? Ko nemu neng ngendi ? Kapan ko nemu ? Ko nyolong ya ?

Miftah : Apa si lah yas. Takone siji-siji si ngapa. Aku mbok bingung njawabe. Aku nemu dompet kiye neng kene. Aku ben ora ngerti dompete sapa. Tek bukak ben urung.

Tyas : Cepetan bukak ya

Miftah : Iya-iya dela

Narator : Banjur si Miftah mbukak dompete.

Miftah & Tyas : Ih ana duwit

Miftah : Ana KTPne juga alias Kartu Tanda Pelajar

Tyas : Iya kayane KTP sing nduwe dompet kiye

Miftah : Iya ya. Alamate ora adoh kang kene. Yuh balekna

Tyas : Ora usah leh, nggo ngapa mbalekna, mbok langka untunge nggo dhewek. Mending sih dibagi loro bae nggo dhewek.

Miftah : Ora lah. Kentir ya ko. Kuwe mbok mangan hak wong liya jenenge. Kepriwe angger sing nduwe dompet lagi kebingungan nggolet dompete.

Tyas : KDK. Kuwe Derita Kae. Sapa sing prentah dadi wong ora ngati-ati. Mbok salaeh kae. Dompet kiye mbok wis dadi nggone dhewek, karepe dhewek arep dingo nggo ngapa.

Miftah : Iya ya. Ya wis lah. Bagi loro bae. Ya wis bali yuh.

Narator : Miftah lan Tyas bali ming omahe dhewek-dhewek. Ora suwe Tyas lunga maring omahe Miftah arep ngajak Miftah dolan bareng.

Tyas : Miftah…Miftah… dolan yuh.

Andra : Eh ana Tyas. Mlebu ngeneh, Miftahne lagi dikengken ibune nggarap PR dhisik, tembe olih metu dolan.

Tyas : Nggih,, Mba.

Andra : Tyas arep nginum apa ? Ben mba gawekna

Tyas : Mboten usah mba. Mangke ngerepotna

Andra : Ora koh. Mbok kur gawekna banyu bening. Kecuali ko mrentah mba kon nggarapna PRe ko. Kuwe tembe ngerepotna.

Tyas : Hahaha.. Mba ana ana bae. Toya bening atis mawon mba.

Andra : O.. iya. Dela ya

Narator : Banjur Ibune Miftah rawuh pengin kandhahan karo Tyas

Ibu : Eh ana Tyas ya.

Tyas : Inggih bu, kula Tyas. Kepripun kabaripun bu ?

Ibu : Apik wae. Kowe arep ngaseng Miftah dolan ya ?

Tyas : Mmm inggih bu. Bu kula angsal nyuwun priksa mboten ?

Ibu : Olih. Arep takon apa ?

Tyas : Menapa Miftah anggenipun nggarap PR mesti seniki bu. Kan mangke ndalu saged.

Ibu : Iya si. Tapi kan angger mbengi-mbengi kae bocah mbok keturon. Dadi repot mbok ?

Tyas : Ohh, kados menika nggih bu. Nggih sampun. Nenggo sekedap nggih mboten nopo-nopo nggih bu.

Ibu : Hahaha,, ya kena

Narator : Si Andra banjurane teka

Andra : Tyas, kiye wedange diinum ya.

Tyas : Ya mba. Matur nuwun.

Andra : Ibu, ibu wonten arisan seniki mbok ?

Ibu : Hooalah. Iya ibu kelalen. Gara-garane keasiken kandhah karo Tyas si. Haha. ibu lunga dhisik ya. (ngorong2 lirih) Miftah, ibu lunga dhisik ya arep arisan.

Miftah : Nggih bu.

Narator : Ora suwe banjur

Tyas : Kiye Miftah suwe banget si nggoli nggarap PR. Aku bae nggarape ora ngasi setengah jam wis rampung.

Miftah : Eh pangapura ya. Kesuwen ya ? Soale PRe akeh banget (karo mlaku maring teras)

Tyas : Wis lah, ora usah ngeles. Aku wis ngerti koh, emang uteke ko bae sing pas-pasan. Ngomong bae angel.

Miftah : Ben

Narator : Neng teras omahe Miftah bocah loro mau pada jagongan. Miftah ngetokake dompet sing mau ditemokna neng halte lan mbagi isi sing ana neng dompet karo Tyas.

Tyas : Cepetan si ngapa. Ko suwe temen.

Miftah : Iya kiye. Isine ana 800 ewu. Angger dhewek bagi loro. Kowe olih 400 ewu , aku olih 400 ewu. Neng kene ya ana kartu ATM kiyeh.

Tyas : Kuwe jorna. Ora penting.

Narator : Banjur Kartika teka ming ngumaeh Miftah (Batir pereke Mba Andra)

Kartika : Eh ana Miftah karo Tyas. Lagi ngapa kowe pada nangkene ? Eh kuwe apa ? Duwite sapa kuwe ?

Tyas : Artone dhewek mba.

Kartika : Ra mungkin. Kowe mbok mesih cilik. Apa ana wong tua ngaweh duwit seakeh kuwe. Mba tek takon Mba Andra ya.

Miftah : Sanes-sanes Mba. Niki sanes artone dhewek. Nanging arto nemu teng margi.

Kartika : Lah trus kenangapa dibagi-bagi kaya kiye ?

Miftah : Tyas sing prentah Mba.

Kartika : Jajal tek deleng (karo mriksa dompet). Kiye mbok ana Kartu Tanda Pelajare. Kowe kan teyeng ndeleng alamate. Alamate ben ora adoh kang kene koh.

Miftah : Wau sih rencanane ajeng tek balekna kula Mba. Nanging jere Tyas ora usah.

Kartika : Deneng si kaya kuwe ? Dhewek ora olih kaya kuwe. Kuwe jenenge mangan hake wong liya.

Miftah : Kula sampun sanjang kados niku marang Tyas. Nanging kae ngomong sanes urusane dhewek. Salaeh kae kenangapa kae mboten ngatos-atos.

Kartika : Mulane dhewek mbalekna dompete kae bocah lan ngomong supaya lewih ngati-ati. Kuwe olih pahala loh.

Tyas : Pangapunten Mba. Kula khilaf

Miftah : Yuh balekna dompet kiye maring bocaeh.

Narator : Miftah lan Tyas banjur lunga maring omahe sing nduwe dompet, arep mbalekna dompet iku.

Tyas : Assalamualaikum.

Lisna : Wa’alaikumsalam . Sapa ?

Tyas : Apa bener kiye omahe Lisna Wati

Lisna : Ya bener. Ana apa ya ? Lan kowe sapa ?

Miftah : Aku Miftah lan kiye kancaku Tyas. Dhewek bocah loro maring ngeneh arep mbalekna dompet iki.

Lisna : Dompet ? Dela ya, tek cek dhisik. Ngeneh mlebu.

Narator : Lisna banjur mlebu ming njero kamare arep mriksa dompete. Miftah lan Tyas njagong karo ndeleng-ndeleng omahe.

Lisna : Wah iya. Dompetku ilang, kesuwun kowe cah loro wis mbalekna dompetku.

Tyas : Ya, kuwi ya wis kewajibane dhewek.

Miftah : Ya bener.

Lisna : Sepisan maning kesuwun ya.

Miftah & Tyas : Ya padha-padha.

Pengalaman kue mau ndadekake Miftah lan Tyas ngerti tanggung jawab lan kejujuran.

Sekian dari kami.